مطبوعات آچیقلاماسی گونئی آذربایجان میللی حرکاتی- میللی ديه‌رله‌ره و اساس پرینسیپلره صادق‌لیک بیاناتی گونئی آذربایجان میللی حرکاتی،اولاراق تورپاقلاریمیزا گؤز تیکن یاییلماجی قوروپلار، تئرور شبکه‌لری و خوصوصاً ده سولدوزدا خالقیمیزا قارشی سوی‌قیریم جهدی گؤسته‌رن جینایتکار قوروپلارلا ایش بیرلییی ائدن، شخصلری هابئله ایران فاشیست رژیمی‌نین ساختا سئچکی‌لرینه دستک وئره‌ن بوتون قوروپلاری، باتی آذربایجان استثنا اولماقلا بؤتؤن اخلاقسیزلیقلاری قطعییتله قیناییر و رد ائدیریک. بوتون باش وئره‌نلری و خالقیمیزین اصرارلی ایستکلرینی نظره آلاراق ایل‌لردیر میللی حرکاتیمیزا قارشی یئریدیلن اعتبارسیزلاشدیرما جهدلرینی گؤز اؤنونده ساخلایاراق، گاموح اولاراق اساس پرینسیپلریمیزه و ديرلریمیزه صاحب چیخماق عزمینده‌ییک، بو آددیمی تاریخی اهميیتلی و میللی مسئولییت اولاراق ديرلندیریریک. گونئی آذربایجان میللی حرکاتی اولاراق، انسان حقوقلاری، قادین حقوقلاری، ایفاده آزادلیغی و فوندامئنتال آزادلیقلارلا ایلگیلی هر تورلو پوزونتولاری قطعییتله قیناییریق. حرکاتیمیز هر بیر فردـین لیاقت، آزادلیق و برابرلییینه، صادقلییینی تصدیق ائدیر و بو ده‌يه‌رلری پوزان هر هانسی حرکتی قبول ائدیلمز حساب ائدیریک. سون دؤوورده اورتایا چیخان سندلر و معلوماتلارا دایاناراق اؤزونو ساختا شکیلده میللی حرکات آکتیویستی کیمی تقدیم ائدن و کانادا محکمه‌سی طرفیندن جینسی ایستیثمار اتهامی ایله محاکمه ائدیله‌رک جزالاندیریلان شخصین، میلی حرکات سیرالارینا سیزماسینا ایجازه وئریلمه‌مه‌سینی و قینانماسینی طلب ائدیریک بو تور رذیل داورانیشلار حرکاتیمیزین مدافعه ائتدییی پرینسیپلره و آزادلیق اوغروندا چالیشان هر کسه قارشی بیر تحقیردیر. اوخشار قانونسوز حرکتلر گونئی آذربایجان میللی حرکاتی‌نین اعتبارلیلیغینا و اساس ده‌يه‌رله‌رینه ضربه وورور و ایران رژیمینه حرکاتیمیزی نفوذدان سالماق اوچون بیر فرصت یارادیر. قادین حقوقلاری‌نین پوزولماسینا سوسقون قالماق ایسه هم، حرکاتیمیزا همده حقوق و عدالت یولوندا چالیشان نجیب اینسانلارا ضرر وئریر. بوتون آزادلیق طرفدارلارینی و تشکیلاتلاری حرکاتیمیزین ده‌يه‌رله‌رینه خیانت ائدن هر کسدن اوزاق دورماغا. چاغیریریق، بیرلیکده اینسان حقوقلاری، عدالت و میللی دیه‌رله‌ره اولان باغلی‌لیغیمیزی بیر داها تصدیق ائدیر و آزادلیق و برابرلیک اوغروندا مبارزه‌میزی قطعییتله داوام ائتدیره‌جه‌ییمیزی بیان ائدیریک ایمضا گونئی آذربایجان میللی اویانیش حرکاتی (گاموح) و علاقه دار سیویل توپلوم قوروملاری
